༢༠༡༩ལོའི་དུས་ཚིགས་དང་པོའི་བོད་ལྗོངས་ཐད་གཏོང་ལེ་ཚན་ནང་༼ཁེ་གསུམ་གྱི་དཔྱིད་ཀ༽ཞེས་པ་ཐད་གཏོང་བྱས།

ཡོང་ཁུངས།   བོད་ལྗོངས་འཕྲིན་དྲ།       རྩོམ་པོ།   ཧེ་ཞི་ཡན།      སྤེལ་དུས།   2019-03-27

您没有安装FlashPlayer或版本太低, 请点击获得最新版本FlashPlayer

 
 
 
 
00:00

སྤྱི་ཟླ ༣ ཚེས ༢༧ ཉིན་གྱི་སྔ་དྲོའི་ཆུ་ཚོད ༩ པར་བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་ཀྱིས་སྤྱི་ལོ ༢༠༡༩ ལོའི་དུས་ཚིགས་དང་པོའི་བོད་ལྗོངས་ཐད་གཏོང་ཞེས་པའི་ལེ་ཚན་གྱིས་ལྷོ་ཁ་གྲོང་ཁྱེར་ཁེ་གསུམ་སྡེ་ཁུལ་གྱི་གྲོང་མི་ཟླ་བའི་ཁྱིམ་ནས༼ཁེ་གསུམ་གྱི་དཔྱིད་ཀ༽ཞེས་བརྗོད་དོན་གཙོ་བོར་བྱས་པའི་ཐད་གཏོང་བྱེད་སྒོ་སྤེལ་ཡོད།  ཐད་གཏོང་ལེ་ཚན་ནང་དུ་ལེ་ཚན་གཙོ་སྐྱོང་པས་བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་གྲོང་གསེབ་དཔལ་འབྱོར་ཞིབ་འཇུག་སུའོ་ཡི་སུའོ་ཀྲང་གཞོན་པ་ཞུས་ཝུའུ་ཏ་དང་།  བོད་རང་སྐྱོང་ལྗོངས་སྤྱི་ཚོགས་ཚན་རིག་ཁང་གི་ཞིབ་འཇུག་པ་སྐལ་བཟང་ཡེ་ཤེས།  སོ་དྲུག་ཤང་གི་ཤང་ཀྲང་ཀྲང་ཞའོ་པོ།  ཁེ་གསུམ་སྡེ་ཁུལ་གྱི་ཕྱུག་འགྱུར་སྣེ་ཁྲིད་པ་ཟླ་བ་སོགས་སྐུ་མགྲོན་དང་ཕན་ཚུལ་སྤེལ་རེས་གནང་སྟེ།  དམངས་གཙོའི་བཅོས་བསྒྱུར་བྱས་ཚུན་གྱི་ལོ ༦༠ ཡི་རིང་ཁེ་གསུམ་གྱི་འཕེལ་རྒྱས་དང་འགྱུར་ལྡོག་གླེང་ཡོད། 
བོད་ལ་དམངས་གཙོའི་བཅོས་བསྒྱུར་མ་བྱས་གོང་ཁེ་གསུམ་གྲོང་ཚོར་ཁེ་གསུམ་གཞིས་ཀ་ཞེས་འབོད་ཅིང་།  བོད་རྙིང་པའི་ཞིང་བྲན་བདག་པོ་ཟུར་ཁང་དབང་ཆེན་དགེ་ལེགས་ཀྱི་ལྷོ་ཁར་ཡོད་པའི་གཞིས་ཀ་ཆེ་གྲས་དྲུག་ནང་གི་གཅིག་ཡིན།  གཞིས་ཀའི་ནང་གི་ཞིང་བྲན་རྣམས་ཁྲལ་པ་དང་དུད་ཆུང་།  ནང་གཟན་བཅས་ཁག་གསུམ་ལ་དབྱེ་སྟེ་ཁོང་ཚོ་ནི་སྐད་ཆ་ཤོད་ཤེས་པའི་རྟ་ཟོག་སེམས་ཅན་གྱི་མཐོང་ལས་མེད་པས།  ལོ་ལྟར་ཁྲལ་དང་འུ་ལག་སྣ་རིགས་འོག་ལྟོ་གོས་མི་འཛོམས་པའི་འཚོ་བ་སྐྱེལ་དགོས་ཀྱི་ཡོད།  སྤྱི་ལོ ༡༩༥༩ ལོའི་ཟླ ༥ པར་བོད་རང་སྐྱོང་ལྗོངས་ལས་དོན་ཨུ་ཡོན་ལྷན་ཁང་གི་འགོ་ཁྲིད་འོག་ཁེ་གསུམ་གྲོང་ཚོར་དང་ཐོག་དམངས་གཙོའི་བཅོས་བསྒྱུར་བྱས་པས།  བོད་ཀྱི་ལོ་རྒྱུས་ཐོག་གྲོང་གསེབ་ཀྱི་ཏང་ཀྲི་པུའུ་དང་པོ་དང་ཞིང་པའི་མཐུན་ཚོགས་དང་པོ།  མི་དམངས་ཀུང་ཧྲེ་དང་པོ་བཅས་བཙུགས་པ་དེའི་ཐོག་ནས་བོད་ཀྱི་དམངས་གཙོའི་བཅོས་བསྒྱུར་གྱི་གྲོང་ཚོ་དང་པོ་ཞེས་སུ་གྲགས།

ད་ཆའི་ཁེ་གསུམ་སྡེ་ཁུལ་ལ་དྲོད་ཁང་ཆེན་མོའི་ཚལ་རིགས་འདེབས་གསོ་ལྟེ་གནས་དང་འགྲིམ་འགྲུལ་སྐྱེལ་འདྲེན།  ཞིང་འཕྲུལ་ཞབས་ཞུ་སོགས་དམངས་ཕྱུག་ཐོན་ལས་སྣ་ཚོགས་ཡོད་ལ།  ཞིང་པ་རྣམས་རྒྱ་ཆེ་ལ་དཀར་ཆ་དོད་པའི་ཁང་པའི་ནང་སྡོད་པ་དང་ལྟོ་གོས་ཐད་སེམས་ཁྲལ་གང་ཡང་མེད།  ཤེས་རྟོགས་བྱས་པར་གཞིགས་ན།  སྤྱི་ལོ ༢༠༡༨ ལོར་སྡེ་ཁུལ་ཡོངས་ཀྱི་དཔལ་འབྱོར་ཡོང་འབབ་ཁྱོན་ཁྲི་ཚོ ༣༤༢༧.༤༧ དང་མི་རེའི་ཆ་སྙོམས་བཀོལ་སྤྱོད་ཆོག་པའི་དངུལ་དམར་ཡོང་འབབ་སྒོར ༡༩༧༣༥ ཟིན་ཡོད།།

  ༼  ཡིག་བསྒྱུར་ཚེ་སྒྲོན། ༽
མཉམ་སྤྱོད།  

ངོ་མཚར་གླེང་མོལ།

པར་ལེན་།

西藏第一座寺庙——桑耶寺

བགྲོ་གླེང་།:ཆོས་ལུགས།

[བགྲོ་གླེང་།]